BIENVENíOS A FACIENDO CAMIN

¿QUE YE FACIENDO CAMíN?

Faciendo Camín ye una asociación cultural, recreativa y deportiva inclusiva, ensin ánimu d’arriquecimientu, un Grupu Deportivu y un Club de Monte federáu. 

Un espaciu inclusivu LGTBI+, abiertu a toles persones, pa promover la integración y el respetu, en contactu cola naturaleza y la práctica deportiva.

Fomentar un llugar seguru, ensin homofobia nin acoso psicolóxicu, físicu o moral pa facer charres, cursos, talleres, esposiciones y sobremanera actividaes deportives. El senderismo va ser la nuesa seña d’identidá. L’actividá física, ameyora la salú y l’estáu d’ánimu. Un proyectu enfocáu nel deporte, la naturaleza y la diversidá.

UN ESPACIU INCLUSIVU LGTBI+ ABIERTU A TOLES PERSONES

¿QUÉ NOS MUEVE?

Esti grupu ye una conquista: primero porque tamos ocupando espaciu, visibilizándonos, poniendo les nueses riegles y frayando silencios y segundo, porque tamos faciéndolo moviéndonos en contautu cola naturaleza, al traviés del deporte, esto ye: nun tando quietes y prestándonos en contactu cola naturaleza, les unes coles otres. 

La nuesa intención ye crear espacios yá non solo de respetu y llibres de violencies, sinon, y más importante, de celebración, porque nun pidimos permisu a naide pa ser, pa tar y pa esfrutar. 

EL DEPORTE COMO PRESÉU DE TRESFORMAMIENTU Y PALANCA PA CONSTRUYIR UNA SOCIEDÁ MÁS XUSTA, INCLUSIVA Y RESPETUOSA.

OXETIVOS

Buscamos ser una ferramienta de visibilidá, inclusión y aceptación del colectivu LGTBI+ nel mundu del deporte, un ámbitu qu’entá anguaño discrimina en munchos casos a les persones deportistes pola so orientación sexual, identidá y espresión de xéneru, o característiques sexuales.

UNA FORMA DE TAR SANES YE TAR EN CONTACTU COLA NATURALEZA

FOLIXA CUIR

Folixa Cuir ye un campamentu inclusivu deportivu, reivindicativu y d’ociu, abiertu a toles persones.

Consiste en delles xornaes de convivencia pa les entidaes deportives que conformen l’Agrupación Deportiva Ibérica LGTBI+ (ADI LGTBI+), con esperiencies bien variaes nuna sola fin de selmana: naturaleza, piragüismu, diversidá, espectáculos, fiesta, música y acampada.

POR UN DEPORTE INCLUSIVU, ENSIN MACHISMU NIN LGTBIFOBIA

CLUB DE MONTE FACIENDO CAMIN

ESFRUTA DEL MONTE DE LA FORMA MÁS SEGURA

Si quies esfrutar con tola tranquilidá y seguridá que precises de la práctica del montañismu, encamentámoste a que te federes con nós.

Tar federáu supón, amás d’otros beneficios como descuentos n’abellugos, cursos o tiendes, poder esfrutar d’un seguru d’accidentes con un estraordinariu nivel de cobertura, y d’un seguru de responsabilidá civil personal pa posibles rescates o incidentes. Pa más información, consultar “Servicios a Federaos”.

Los socios del Club Faciendo Camín tienen la posibilidá de federase al traviés del Club na Federación Española de Deportes de Monte y Esguilada (FEDME) y de la Federación de Deportes de Monte, Esguilada y Senderismu del Principáu d’Asturies (FEMPA).

SÍGUINOS N'INSTAGRAM

This error message is only visible to WordPress admins
Error: There is no connected account for the user faciendocamin.

Faciendo Camín forma parte del Observatoriu contra la LGTBIfobia d’Asturies, l’Agrupación Ibérica de Deporte Inclusivo ADI, y colabora con dellos organismos, texendo redes p’algamar los oxetivos de l’asociación.

CONTACTA CON NÓS

info@faciendocamin.org

Escuelina Rural de Podes
33418, Gozón (Asturies)

Col sofitu de: