UN ESPACIU INCLUSIVU LGTBI+ ABIERTU A TOLES PERSONES
¿QUE YE FACIENDO CAMíN?
Faciendo Camín ye una asociación cultural, recreativa y deportiva inclusiva, ensin ánimu d’arriquecimientu, un Grupu Deportivu y un Club de Monte federáu.
Un espaciu inclusivu LGTBI+, abiertu a toles persones, pa promover la integración y el respetu, en contactu cola naturaleza y la práctica deportiva.
Fomentar un llugar seguru, ensin homofobia nin acoso psicolóxicu, físicu o moral pa facer charres, cursos, talleres, esposiciones y sobremanera actividaes deportives. El senderismo va ser la nuesa seña d’identidá. L’actividá física, ameyora la salú y l’estáu d’ánimu. Un proyectu enfocáu nel deporte, la naturaleza y la diversidá.
EL DEPORTE COMO PRESÉU DE TRESFORMAMIENTU Y PALANCA PA CONSTRUYIR UNA SOCIEDÁ MÁS XUSTA, INCLUSIVA Y RESPETUOSA.
¿QUÉ NOS MUEVE?
Esti grupu ye una conquista: primero porque tamos ocupando espaciu, visibilizándonos, poniendo les nueses riegles y frayando silencios y segundo, porque tamos faciéndolo moviéndonos en contautu cola naturaleza, al traviés del deporte, esto ye: nun tando quietes y prestándonos en contactu cola naturaleza, les unes coles otres.
La nuesa intención ye crear espacios yá non solo de respetu y llibres de violencies, sinon, y más importante, de celebración, porque nun pidimos permisu a naide pa ser, pa tar y pa esfrutar.
UNA FORMA DE TAR SANES YE TAR EN CONTACTU COLA NATURALEZA
OXETIVOS
Buscamos ser una ferramienta de visibilidá, inclusión y aceptación del colectivu LGTBI+ nel mundu del deporte, un ámbitu qu’entá anguaño discrimina en munchos casos a les persones deportistes pola so orientación sexual, identidá y espresión de xéneru, o característiques sexuales.
POR UN DEPORTE INCLUSIVU, ENSIN MACHISMU NIN LGTBIFOBIA
FACIENDO REDES 2024
Faciendo Redes foi’l nuesu proyectu d’anguaño 2024 para fomentar un deporte inclusivo para toos.
Dientro d’esti proyectu tuvimos collaboraciones con Cruz Roja y Luar. Y entamemos l’eventu FACIENDO REDES.
En marzu tuvo llugar l’eventu Faciendo Redes, un eventu deportivu itinerante que da continuidá a l’actividá del añu pasáu en Bilbao entamada polos nueses compañeres Bidea Eginez.
Faciendo Redes foi una fin de selmana deportiva ente asociaciones, onde crear Red ente -yos entidaes y asina siguir trabayando contra la lgtbifobia nel deporte.
Mientres la fin de selmana tuvieron lugar talleres, deporte, naturaleza y fiesta.
